Morelia, Michoacán, 19 de julio de 2023.-
Eratsekuankuni Sigamos aprendiendo en el hospital, Secretaría de Educación del Estado (SEE) jarhoatasïnti 2 mil 600 jorhenkuarhirichani Erechikueri anapuecha enki tsïnajperakuarhu exerkuarhinakasi uantasti Juramuti Jorhenkuarhikueri, Gabriela Molina Aguilar, enki k'amarutanapkasia jorhenkuarhikuecha sapicha enki jorhenkuarhikasi Hospital IMSS Charo anapueri.
Juramutinkuni DIF anapueri, Grisel Tello Pimentel, juramuti jorhenkuarhikueri sesi erankusti anchikua tatempecheri, enki menki jauenakasï uajpechankuni i anchikuarhu.
Ka itku sesi erankusti anchikua jorhempericheri Tsïnajperakueri, "enki jorhemperi janojka, p'amenchakua nintasïnti", uantasti enki eratsekueuaka anchikueri.
Juramuti SEE anapu sesi erankusti jarhoajperakua Secretaría de Salud en Michoacán (SSM) juramutichankuni tsinajperakuecheri, imankuni anchitanaka i eratsekuani, uaxastanasti 13 ukatecha tachani iretecharhu jimanki jarhoatanajka uanekua sapichani enki nosï ujka jorhemperakuecharhu nirani.
Ka Grisel Tello pasajkukuasti jimpoka sapicha menki jauenajkasi jorhenkuarhini tsï eratsekuechankuni, ka uantasti enki eratsekua Sigamos aprendiendo en el hospital, ka isï santaru sesi k'uiriperakua jatsiakasi jarhoajperakuankuni jorhempericheri, "k'uiripchakua axakuasïnkani jimpoka tsïpekua jinkoni ujkasi".
Enkisï uejka inchamutani sapichani i eratsekuarhu enki Morelia, Lázaro Cárdenas, Maravatío, Zitácuaro, Apatzingán ka Zamora anchitanajka, tatempecha uetarhesïntisi uantontskuarhini juramutichankuni tsinajperakuericheri, ka eratseatisï nani axauani.
En Purepecha
Edición: Leticia E. Becerra Valdez
Sucríbete a nuestro canal en Youtube : Viviendo Mi Ciudad
Deja tu opinión o compártelo en tus redes
